karoon to kis liye akhir ko main malal us ka
usay nahi to mujhe b nahi khyaal us ka

meri wafa nay banaya hai bewafa us ko
k is ada main nahi hai koi kamaal us ka

mere naseeb ki ye bhi to khush naseebi hai
k mujh ko dekh k sab poochtay hain haal us ka

yehi dua main karoon har baras k pehlay din
mere baghair na guzray koi bhi saal us ka

mere arooj ko us k naseeb main likh de
khuda e pak mujhe sounp de zawaal us ka ......