woh larki bhi ek ajeeb paheli thi
piyase hont thay aankh samandar jesi thi
suraj us ko dekh k peela parta tha
woh sarma ki dhoop main dhul ker nikalti thi
us ko apnay saaye se dar lagta tha
soch k sehra main woh tanha hirni thi
aatay jaatay mosam us ko dastay thay
hanstay hanstay palkoon se ro parti thi
aadhi raat ganwa deti thi chup reh ker
aadhi raat k chaand se baatain kerti thi
door se ujray mandar jesa ghar tha us ka 
woh apnay ghar ki ekloti dewi thi
mom sa nazuk jism sehar ko dukhta tha
diye jala ker shab bher aap pighalti thi
tez hawa ko rok k apnay aanchl per 
sookhay phool ikathay kerti phirti thi
sab per zahir ker deti thi bhed apna
sab se ek tasveer chupaaey rakhti thi
kal shab chikna choor hua tha us ka dil
ya phir pehli baar wo khul k roi thi
kya jaanay kyun dhoop se be parwa
woh apnay ghar ki dehleez peh bethi thi