Zameen pay chal na ska aasmaan say b gya

kataa k par wo parinda uraan say b gya

tabaah kr gayi pakkay makaan ki khwahish

main apnay gaaon k kachay makaan say b gya

paraai aag mein jal k b kia milaa mujh ko?

usay bachaa na ska apni jaan say b gya

bhulana chaha to us ki b intehaa kr di

wo shakhs ab meray wehm-o-gumaan say b gya

kisi k haath ka nikla hua wo teer hoon main

hadaf ko choo na ska or kamaan say b gya.